A participación colectiva no proceso de definición da Estratexia de Especialización Intelixente é clave. Para poder chegar ao maior número posible de participantes habilítanse distintas canles como cuestionarios e enquisas.
A RIS3 Galicia conta con expertos técnicos que aseguran que o procedemento sexa reglado, que se axuste aos preceptos esixidos polas autoridades europeas e que faga real a gobernanza participativa.
As mesas sectoriais, os focus group e os encontros dos distintos axentes da innovación permiten un traballo conxunto en distintos sectores para obter unha análise global e precisa do marco xeral, aportando solucións clave.
A RIS3 2014-2020 estivo baseada nun amplo proceso participativo, pero para conseguir que se manteña ao longo de todo o proceso de implementación da Estratexia e suscite por igual o interese entre os diferentes axentes, faise preciso un maior esforzo na difusión e comunicación, focalizándoo naqueles sectores que máis o precisan: as pemes e a sociedade.
Temos que especializarnos máis e mellor. Precisamos unha Estratexia máis transversal que impulse a colaboración entre os axentes de diferentes ámbitos establecendo complementaridades e sinerxías entre as diferentes prioridades.
Unha visión integral e unha implementación coherente e coordinada. A RIS3 foi asumida pola Xunta de Galicia como a estratexia integral de I+D+i para Galicia, situando baixo un só paraugas todas as actuacións que neste ámbito tiñan impacto en Galicia, independentemente de quen as xestionase. Isto veu acompañado dunha evolución positiva dos indicadores de I+D+i en Galicia. Galicia recuperou os niveis previos á crise do 2008 e acurtou distancias coas rexións máis innovadoras.
Manter a implicación activa de todos os axentes da innovación; Difundir, comunicar e informar mellor; Reforzar o marco de especialización; Dar respostas adaptadas e adecuarse ás tendencias globais para aproveitar oportunidades.
