INNOVACIÓN SOCIAL
A innovación impacta directamente na vida de todas e todos nós e o acceso aos fondos europeos é fundamental para xerar benestar social e económico para as persoas. Na elaboración da RIS3 estamos a sumar esforzos e capacidades para que a investigación e a innovación permitan, de xeito planificado, continuar coa transformación de Galicia cara un modelo de crecemento baseado no coñecemento que garanta un futuro cheo de oportunidades e nos transforme nunha sociedade máis resiliente.
Con este obxectivo, a Estratexia de Especialización Intelixente de Galicia para o período 2021-2027 está aberta á participación de todos os galegos e galegas.
Convidamos ao conxunto da cidadanía a tomar parte deste proceso.
A nosa folla de ruta
A nova RIS3 marcará a nosa folla de ruta e o noso modelo nesta década, garantindo o acceso aos fondos europeos e propiciando unha concentración dos recursos da innovación en sectores estratéxicos e con potencial de crecemento.
A Estratexia de Especialización Intelixente abránguenos a todos e a todas nós porque baséase no conxunto global da sociedade, do tecido empresarial, dos centros de coñecemento e das administracións, xa que xuntos podemos acordar cara onde queremos focalizar as nosas fortalezas onde imos situar as nosas oportunidades.
